Search
Menu
Address: "Muhamet Gjollesha" 57, 1023, Tirana, Albania
Email: info@planifikimi.gov.al
Tel: +35542272556
Drejtori i përgjithshëm
General Director
Adelina Greca ka kryer studimet e larta për arkitekturë në Universitetin Teknik të Lindjes së Mesme (Ankara/ Turqi), i cili ofron edukim në gjuhën angleze mbi bazën e modelit të shkollave perendimore. Ajo ka ndjekur studimet pas-universitare në të njëjtin universitet, në Departamentin e Planifikimit Urban, Programi i Projektimit Urban.
Znj.Greca ka eksperiencë si planifikuese në sektorin publik. Prej vitit 2003, kur është kthyer në Shqipëri, e deri në vitin 2011, ka ushtruar profesionin e arkitektes dhe planifikueses urbane, pranë Bashkisë së Tiranës ku ka punuar edhe në pozicione drejtuese. Ajo ka qënë pjesëmarrëse në mjaft grupe pune për projekte të rëndësishme që kanë qenë iniciuar dhe hartuar nga Bashkia e Tiranësnë periudhën 2003-2011 në fushën e planifikimit, në disa prej tyre në rolin e liderit të grupit të punës.
Pas shkëpujtes nga Bashkia Tiranë, Znj. Greca ka vazhduar të ndërtojë eksperiencë si profesioniste e lirë dhe paralelisht ka kontribuar në mësimdhënie pranë Universitetit Epoka, Fakulteti i Inxhinjerisë, Departamenti i Arkitekturës dhe Inxhinjerisë (2011 – aktualisht).
Zotëron shumë mirë gjuhën angleze, turke dhe italiane.
Znj.Muraku është diplomuar në Fakultetin e Drejtësisë me titullin “Jurist” në vitin 2010 dhe më pas ka përfunduar studimet “Master Shkencor” në profilin “Legjislacion dhe Institucionet Evropiane”, në Institutin e Studimeve Evropiane. Në vitin 2011 ka marrë titullin “Avokat” nga Dhoma Kombëtare e Avokatisë. Në vazhdimësi ajo ka ndjekur trajnime me ekspert ndërkombëtar, fokusi i të cilave ka qenë funksionimi i Sistemit të Drejtësisë, Zbatimi i Ligjit, mekanizmat ligjore ndërkombëtare, si dhe menaxhim/koordinim projektesh.
Znj.Muraku ka nje ekperiencë pune 10 vjecare dhe ka kryer detyra të ndryshme si avokate, experte ligjore dhe koordinatore projekti, në zbatim të projekteve me organizata ndërkombëtare. Gjithashtu, ajo është përfshirë si eksperte në një sërë trajnimesh dhe projektesh studimore. Ajo është një njohëse shumë e mirë e legjislacionit ndërkombëtar dhe jurisprudencës së Gjykatës së Strasbourgut.
Zotëron gjuhën angleze, italiante dhe franceze.
Drejtorë
Znj.Marku ka kryer studimet universitare në Universitetin Bujqësor të Tiranës në vitin 1995, Fakulteti Ekonomi Agrare , me titullin “Ekonomist Agrar” dhe më pas është çertifikuar nga Ministria e Financave dhe Ekonomise si Audituese e Brendshmenë vitin 2019. Ka ushtruar funksionin e saj në fushën e ekonomisë dhe të financës per 25 vite si dhe si Drejtuese e Njësisë së Auditimit në Bashkinë Kurbin nga 16.01.2018 dhe deri me 14.06.2022.
Gjatë këtyre viteve ka kryer edhe trajnime të ndryshme në fushën e financës-kontabilitetit dhe auditimit si: Trajnimi me titull “ Përgatitja dhe shkrimi i Projekt Propozimeve” në kuader të projekteve Mini – Grante, Trajnim Profesional për Auditet e Brëndshem “ Financat Lokale” SECO dhe Trajnimi i vijueshëm Profesional “Auditues i Brëndshem”nga MFE.
Është njohëse shumë e mirë e programeve Microsoft Office dhe programeve të tjera Financiare.
Zotëron Gjuhën Italiane.
Znj. Tane ka lindur në Sarandë, më datë 29 shtator 1989. Znj. Tane është Specialiste/Juriste pranë Agjencisë Kombëtare të Planifikimit të Territorit (AKPT).Gjatë vitit 2013 ka punuar pranë Agjencisë së Legalizimit,Urbanizimit dhe Integrimit të Zonave/Ndërtimeve Informale, Tiranë. Znj. Tane ka mbaruar studimet e larta për Drejtësi, në Fakultetin e Drejtësisë, në Universitetin e Tiranës, në vitin 2011.Në 2013 ka marrë titullin Master Shkencor për “E Drejtë Penale”, në Fakultetin e Drejtësisë, në Universitetin e Tiranës.
Është trajnuar nga Elsa Albania dhe AEGEE Tirana për të Drejtat e Njeriut (Human Rights Education).
Në vitin 2015 është çertifikuar me titullin “Avokat” nga Dhoma Kombëtare e Avokatisë.
Zotëron shumë mirë gjuhën Angleze, Italiane dhe Greke.
Email: martin.alite@planifikimi.gov.al
Martin Alite është diplomuar në Universitetin e Torontos në 2011 me titullin “Honours Bachelor of Arts” me specializim kryesor Arkitekturën dhe specializime dytesore në Shkenca Politike dhe Histori Arti. Nga 2015, është kthyer në Shqipëri, ku ka kontribuar në një numer projektesh turistike dhe rezidenciale si projektues dhe kordinator.
Midis 2018-2020, kreu Masterin Shkencor në Universitetin Teknik të Berlinit, ku ka studiuar Menaxhimin Urban dhe thelloi njohuritë mbi planifikimin dhe zhvillimin e qëndrueshëm, duke mbrojtur diplomën nëpërmjet temës “Perceptimet Turistike mbi Zhvillimin e Ekonomise së Rivierës Shqiptare”. Gjatë kësaj periudhe dhe më pas, është angazhuar në një numer projektesh planifikimi dhe urbanistike si ekspert i jashtëm, në bashkëpunim me GIZ, Ateliers de Cergy, dhe studio konsultative ne Berlin. Paralelisht me këto përvoja ka ndjekur një numër certifikimesh në fusha specifike të Planifikimit si Ekonomite Qarkulluese, Qytetet Smart, dhe Mobiliteti Urban.
Zotëron shumë mirë Anglishten dhe mirë Gjermanishten dhe Frëngjishten.
Znj. Daja ka studiuar pranë Universitetit Politeknik të Tiranës, Fakulteti Gjeologji Miniera, Dega Inxhinieri Gjeoinformatike.
Në vitin 2015 ka përfunduar Studimet Master ne Degën “Inxhinieri Gjeoinformatike”, Fakulteti Gjeologji Miniera, Universitetit Politeknik të Tiranës.
Në Shtator të vitit 2020, ka përfunduar Kursin profesional, të ndjekur pranë Akademisë Profesionale Elita, ku ka marrë titullin “Menaxher Biznesi”. Në vitin 2020 është Liçensuar në Projektim "Sisteme GIS", nga Ministria e Infrastrukturës dhe Energjisë.
Në periudha të ndryshme është Trajnuar dhe çerfitikuar nga “Esri” në lidhje me programin ARCGIS, gjithashtu është kualifikuar nga Geotrim.shpk mbi përdorimin e pajisjve "Trimble GPS-GNSS", "Trimble Total Station".
Prej vitin 2014 Znj.Daja ka nisur eksperiencën e saj të parë të punës, pranë Agjencisë Kombëtare të Planifikimit të Territorit, si Specialist më pas si Përgjegjëse Sektori dhe së fundmi në pozicionin Drejtor në Drejtorinë GIS për Planifikimin e Territorit.
Është njohëse shumë e mirë e programeve ARCGIS, AUTOCAD, Microsoft office, Adobe Photoshop.
Zotëron Gjuhën Angleze.
Përgjegjës Sektori
Artenisa Keçi ka lindur më 5 Dhjetor 1980, ka përfunduar studimet universitare pranë Universitetin Bujqësor të Tiranës, në Fakultetin e Ekonomisë dhe Agrobiznesit për Financë-Kontabilitet. Znj.Keçi ka një eksperiecë disa vjeçare si : specialiste finance pranë kompanisë "Moto Tirana" shpk për periudhën 2009-2016.Nga 2006-2008 ka punuar si ekonomiste në kompaninë farmaceutike O.E.S. Distrimed.Për periudhën 2004-2006 ka punuar pranë kompanisë "Adrion" L.t.d. në sektorin e marketingut.
Zotëron shumë mirë gjuhën Angleze dhe italiane.
Belisa Demiraj ka lindur më 14.07.1996 në Vlorë.
Znj.Demiraj ka kryer studimet e larta Bachelor “Studime Mjedisore”, Fakulteti Planifikim, Mjedis dhe Menaxhim Urban, gjatë viteve 2015 – 2018 pranë Universitetit Polis.
Në vitin 2020 ka përfunduar studimet për "Master i Shkencave në Menaxhim Mjedisor Urban", pranë Univeritetit Polis. Në vitin 2019, ka ndjekur programin ERASMUS + për 6 muaj në Portugali, në Degën “Sustainable of Build Environment”, University of Minho, Braga, Portugali.
Pas studimeve universitare, ka punuar si kërkuese shkencore gjatë periudhës Prill 2021 – Prill 2022 pranë ILS – Institute for Regional and Urban Development, departamenti i Planifikimit te Territorit, Dortmund, Gjermani.
Në Maj 2022, Znj.Demiraj ka filluar marrëdhënien e punës pranë Agjencisë Kombëtare të Planifikimit të Territorit në pozicionin e Përgjegjëses në Sektorin e Kërkimit Shkencor, Bashkëpunimeve Ndërkombëtare dhe me Akademinë.
Zotëron shumë e mirë gjuhën Angleze, Italiane dhe mesatarisht atë Gjermane.
Egla Shima është diplomuar në vitin 2012 me Master Shkencor në Arkitekturë, profili Arkitekt.
Gjatë viteve pasuniversitare, ajo ka ushtruar profesionin si arkitekte pranë disa kompanive projektimi dhe ndërtimi, si: “Agikons” shpk dhe “Albatros/v” shpk në Tiranë. Në këto pozicione, ka qenë përgjegjëse për hartimin e projekteve të tipologjive të ndryshme si dhe për koordinimin e profesionistëve projektues dhe zbatues në procesin e aplikimit për Leje Ndërtimi.
Prej vitit 2022, është pjesë e stafit të Agjencisë Kombëtare të Planifikimit të Territorit (AKPT), ku ushtron funksionin e Përgjegjëses në Sektorin e Mbështetjes për Hartimin e Dokumenteve të Planifikimit, në Drejtorinë e Planifikimit të Territorit.
Zotëron shumë mirë gjuhët angleze dhe italiane.
Fatbardh Lekaj ka lindur më 08/09/1997 në Shkodër.
Z. Lekaj ka kryer studimet e larta të ciklit “Bachelor” dega Gjeografi në Universitetin e Shkodrës “Luigj Gurakuqi” gjatë viteve 2015-2018 dhe studimet e larta të ciklit “Master Shkencor” pranë Universitetit POLIS në profilin “Menaxhim i Mjedisit Urban” gjate viteve 2018-2020.
Gjatë periudhës Korrik 2020 Tetor 2021 Z. Lekaj ka qënë i punësuar pranë Ministrisë së Turizmit dhe Mjedisit si specialist i Konceptimit dhe Fizibilitetit të Projekteve Turisitike.
Zoteron shume mire gjuhen Angleze .
Znj. Gilberta Muça ka lindur më datë 05 Prill 1992.
Znj. Muça është specialiste e sektorit të Zhvillimit të Regjistrit dhe Mirëmbajtjes së Bazës së të Dhënave, Drejtoria e Regjistrit të Planifikimit të Territorit në Agjencinë Kombëtare të Planifikimit të Territorit.
Më parë ka punuar në Bashkinë Bulqizë si specialiste e Promovimit të Turizmit tek Drejtoria e Arsimit Turizmit Kulturës gjatë periudhës Janar 2016 - Nëntor 2017, si dhe specialiste e GIS & RIT në Drejtorinë e Planifikimit të Territorit dhe Kontrollit të Projekteve, Bashkia Bulqizë gjatë periudhës Nëntor 2017 - Korrik 2019.
Znj. Muça ka mbaruar studimet e larta në degën Gjeografi, Fakulteti Histori - Filologjisë në Universitetin e Tiranës, "Bachelor" në Tetor 2010 - Korrik 2013 dhe "Master Shkencor" Tetor 2013 - Korrik 2015.
Ajo është trajnuar në sistemin ArcGIS/ Quantum GIS, krijimin e hartave nga ArcGIS, trajnime të tjera për Hartimin dhe shkrimin e projekteve pranë Fondacionit Ndërkombëtar CNVP (Bashkojmë Vlerat e Natyrës me Njerëzit), hartimin dhe monitorimin e Planeve Vendore pranë AKPT, përdorimin e sistemit e- leje pranë AZHT.
Zotëron gjuhën angleze.
Glejdi Floku, lindur më korrik 1984 në Berat, ka përfunduar studimet pasuniversitare për Arkitekturë në vitin 2008 pranë Fakultetit të Inxhinierisë së Ndërtimit në Universitetin Politeknik të Tiranës.
Eksperiencën në punë z. Floku e ka nisur me pjesmarrjen në aktivitete të ndryshme vullnetare brenda dhe jashtë vendit me sfond social – kulturor për të vazhduar më tej pas përfundimit të studimeve me ushtrimin e profesionit si arkitekt, grafist, projektues dhe dizainer në studio arkitekture të ndryshme nga viti 2006 deri në vitin 2013. Eksperienca profesionale e z. Floku përfshin projektimin dhe përpunimin e tipologjive të ndryshme arkitektonike, dixhitalizimin e zonave arkeologjike shqiptare, përpunime të ndryshme grafike, etj.
Zotëron mjaft mirë gjuhën angleze, mesatarisht atë franceze, italiane, gjermane dhe spanjolle.
Ronilda Pine lindur në Tiranë më 16 nëntor 1982, ka mbaruar studimet e larta në Fakultetin e Ekonomisë, dega Administrim Publik, me një eksperiencë pune disa vjecare, përkatësisht si më poshtë:
2007-2010 Banka Credins në pozicionin Shërbim Klienti
2010-2013 Plus Communication në pozicionin e Përgjegjëse dege
Zotëron shumë mirë gjuhën angleze dhe atë italiane.
Valbona Metaj ka kryer studimet e larta per Drejtesi ne Universitin e Tiranes , Fakulteti Juridik ne sistemin 4 vjecar gjate viteve akademike 2007-2011.
Gjate viteve te punesimit ka kryer masterin professional ‘’Business Law ‘’ ne Fakultetin Juridik , Universiteti I Tiranes dhe ka marre titullin ‘’Avokat’’ nga Dhoma Kombetare e Avokatise.
Ne tetor te vitit 2012 ka filluar pune prane Gjykates se Rrethit Gjyqesor Tirane , me detyre sekretare gjyqesore deri ne Shtator te 2022 .
Nga shtatori I 2022 ka qene punonjese e Drejtorise se Pergjithshme te Doganave me detyre si perpunuese informacioni.
Nga muaji gusht 2023 eshte punonjese prane Agjensise Kombetare te Planifikimit te Territorit me detyre Pergjegjese e Sektorit te Prokurimeve dhe Burimeve Njerzore.
Zoteron shume mire gjuhen angleze dhe mesatarisht gjuhen italiane dhe ate maqedonase.
Specialistë
Anisa Jaupaj lindi në Mallakastër më 3 mars 1999. Ajo ka përfunduar studimet në nivelin Master Shkencor, Profili Arkitekt, pranë Fakultetit të Arkitekturës dhe Urbanistikës, në Universitetin Politeknik të Tiranës.
Prej vitit 2021 deri në vitin 2023, ka ushtruar profesionin e saj si arkitekte në disa studio arkitekture të njohura, si ABGA Architects, Alter Architects dhe Accademia 3D. Gjatë kësaj periudhe, ajo ka qenë përgjegjëse për hartimin dhe detajimin e projekteve të tipologjive të ndryshme, si dhe realizimin e modeleve 3D, duke bashkëpunuar në projekte me partnerë ndërkombëtarë, përfshirë USA Projects, Itali dhe Shqipëri.
Nga prilli i vitit 2023 deri në gusht 2025, Znj. Jaupaj ka punuar pranë kompanisë së ndërtimit Progeen sh.p.k., ku ka mbajtur përgjegjësinë për detajimin, koordinimin dhe mbikëqyrjen e zbatimit të projekteve për një kompleks banimi, në bashkëpunim me një ekip profesionistësh të fushës.
Prej gushtit 2025, Znj. Jaupaj është e angazhuar si Specialiste në Sektorin e Monitorimit të Zbatimit të Dokumenteve të Planifikimit, pranë Drejtorisë së Planifikimit të Territorit në Agjencia Kombëtare e Planifikimit të Territorit.
Znj. Jaupaj zotëron licencën e projektimit me titull Arkitekt dhe është e certifikuar në disa kurse të specializuara. Po ashtu, ajo ka njohuri në përdorimin e programit AutoCAD, Revit, 3dsMax, Sketchup dhe Lumion.
Zotëron gjuhën Angleze.
Znj.Kolaj ka mbaruar studimet e nivelit Bachelor në vitin 2019, pranë Fakultetit të Gjeologjisë dhe Minierave në Universitetin Politeknik Tiranë dega Inxhinieri Gjeoinformatikë.
Në vitin 2021 ka përfunduar studimet në Master Profesional në profilin “Inxhinieri Gjeoinformatike”, pranë Fakultetit të Gjeologjisë dhe Minierave.
Menjëherë pas përfundimit të studimeve ka zhvilluar praktikën e punës duke zgjeruar njohuritë në programet e projektimit 3D.
Për një periudhë 1 vjeçare ka punuar si Specialite në Sektorin e Dixhitalizimit, Drejtoria e Gjeoinformatizimit pranë Shërbimit Gjeologjik Shqiptar.
Aftësi shumë të mira në përdorimin e programeve AutoCAD (Map 2D dhe 3D, Civil), ArcGIS dhe QGIS si dhe programe të modelimit 3D të tilla si REVIT dhe Micromine.
Zotëron gjuhët e huaja Anglisht dhe Frëngjisht.
Znj. Sulaj ka mbaruar studimet Bachelor dhe Master Shkencor në të drejtën Penale në Fakultetin e Drejtësisë, Universiteti i Tiranës për periudhën 2014-2019.
Gjatë periudhës Tetor 2019-Nëntor 2020, ka kryer stazhin për avokat në Shkollën e Avokatisë.
Në Periudhën Tetor 2019-Qershor 2023 ka punuar si Asisetente në Zyrë Noterie.
Znj. Sulaj që prej Gushtit 2023 është Specialiste në Sektorin e Legjislacionit, Asistencës Juridike dhe Informimit, Drejtoria Juridike, Burimeve Njerëzore dhe Informimit pranë Agjencisë Kombëtare e Planifikimit të Territorit
Znj. Bejte është specialiste në Sektorin e Sekretariatit të KKT, në Drejtorinë për Zhvillimin e Territorit, pranë Agjencisë Kombëtare të Planifikimit të Territorit (AKPT). Gjatë viteve 2004-2013 ka punuar si arkitekte në studio të ndryshme projektimi si: studio H&N, Todini s.p.a, pranë arkitektit Maks Cuko, studio Enigma dhe pranë Institutit të Studimeve dhe Projektimeve Urbanistike. Gjatë viteve 2002-2004 ka qënë ndihmës arkitekte në disa studio. Në nëntor 2007 është pajisur me liçencën e projektimit A.0902.
Znj. Bejte ka mbaruar studimet e larta për Arkitekturë, në Fakultetin e Inxhinierisë së Ndërtimit, në Universitetin e Tiranës, në vitin 2004. Në 2001 ka ndjekur kursin “Arkitektura Kishtare”, pranë Kishës Ortodokse, Tiranë. Në dhjetor 2002 ka ndjekur nje kurs nga Instituti i Planifikimit Territorial i Universitetit të Ankonës dhe në korrik 2005 kursin “Zhvillimi Urban” sponsorizuar nga Fondi Egjiptian për Bashkëpunim Teknik me CIS, NIS, EIC në Kajro. Znj. Bejte ka marrë pjesë në International Research Conference of ENHR “Making cities work”, Tiranë. Në qershor 2003 është përkohësisht e pranishme në zhvillimin e punës për hartimin e “Planit Strategjik të qytetit të Lushnjës” nga Co-Plan.
Zotëron gjuhën angleze dhe italiane dhe frënge.
Znj.Meçollari ka përfunduar studimet e larta në nivelin “Master i Shkencave” në Degën “Planifikim dhe Menaxhim Urban”, në periudhën 2018 – 2023 pranë Universitetit Polis.
Gjatë periudhës së shkollimit ka qenë pjesëmarrëse në konferenca si: “Issues of Housing, Planning and Resilient Development of the Territory”; “International Conference of Tirana Planning Week”, dhe workshope të ndryshme brenda dhe jashtë vendit si: workshope në kuadër të “TAW (Tirana Architecture Week)” dhe “TDW (Tirana Design Week)”; “Spring School of SMART ADRIA Blue Growth Project” në Itali; “SoCoN – Social Cohesion in Urban Neighborhoods” në Maqedoninë e Veriut, etj. Në vitin 2022, ka ndjekur programin ERASMUS+ për 5 muaj në Itali, në Degën “Tourism and Local Development”, Università degli Studi del Molise, Termoli, Itali.
Gjithashtu, znj. Meçollari ka fituar eksperiencë mjaft të mirë duke u angazhuar në dy internshipe pranë Co-PLAN, Instituti për Zhvillimin e Habitatit, duke mbështetur në punë kërkimore dhe studime tematike, kryerje vëzhgimesh në terren si dhe procesim/analizim të dhënash.
Zotëron shumë mirë gjuhën Angleze, Italiane dhe mesatarisht atë Gjermane.
Emi Monci ka lindur më 16.11.1995, Elbasan.
Znj.Monci ka kryer studimet e larta të ciklit "Bachelor" për Drejtësi dhe “Master Shkencor” në profilin “E drejte Private dhe Biznesi” pranë Universitetit Europian të Tiranës.
Gjatë viteve 2019-Maj 2021 ka punuar në pozicionin Juriste pranë Kompanisë Vienna Insuarance Group.Në Qershor 2021 Znj.Monci ka filluar marrëdhëniet e punës pranë Agjencisë Kombëtare të Planifikimit të Territorit në pozicionin e Specialistes në Sektorin e Prokurimeve dhe Burimeve Njerezore.
Zotëron shumë mirë gjuhën Angleze dhe Italiane.?
Ermira Rexhepaj ka lindur në Tiranë më 20.02.1993.
Znj.Rexhepaj ka mbaruar studimet e larta në Universitetin Teknik të Lindjes së Mesme (Ankara/ Turqi), në gjuhën angleze.
Gjatë studimeve, gjithmonë ka patur interes më të gjërë në fushën e Planifikimit dhe të Urbanistikës, duke marrë disa lëndë shtesë nga kjo dege, gjë që e ka ndihmuar në formimin e saj si Arkitekte.
Pas mbarimit të studimeve, në periudhën kohore 2019-2021 ka punuar në Ankara pranë një kompanie ndërtimi si arkitekte, duke bërë dizenjimet, planin e zhvillimit të punës ndjekjen e punimeve në zbatim deri tek dorëzimi i projektit. Prej Tetorit 2021 punon pranë Agjencisë Kombëtare të Planifikimit të Territorit (AKPT), si specialiste në sektorin e Monitorimit të Zbatimit të Dokumentave të Planifikimit.
Zotëron shumë mirë gjuhen angleze, turke dhe spanjisht.
Znj.Meça ka lindur më 16 Janar 1996.
Ka përfunduar studimet bachelor pranë Universitetit Aleksandër Moisiu në Durrës, në Fakultetin e Shkencave Politike-Juridike për
Administrim Publik. Gjatë 2018-2020 ka kryer studimet Master në Administrim Financiare, pranë këtij fakulteti.
Znj.Meça ka punuar pranë një agjensie udhetimesh nga viti 2019-2023, si dhe ka një eksperiencë pune 1-vjecare si menaxhere marketingu.
Aktualisht është Specialiste Prokurimesh pranë Agjencisë Kombëtare të Planifikimit të Territorit (AKPT).
Zotëron shumë mirë gjuhën angleze.
Ka përfunduar studimet e larta në nivel “Bachelor” në Fakultetin e Arkitekturës dhe Urbanistikës në degën Arkitekturë Interieri dhe Dizajn në vitin 2023.
Gjate periudhës së shkollimit ka bashkëpunuar me arkitektë në projekte private dhe ka kryer internship në kompaninë Alumil si specialiste marketing dhe showroom consulting. Gjithashtu ka kryer praktikën e punës në Agjencinë Kombëtare të Planifikimit të Territorit në sektorin e Hartimit e Zbatimit të Projekteve dhe Jetësimit të Prioriteteve.
Njohëse shumë e mirë e gjuhës angleze dhe njohëse e mirë e gjuhës italiane. Gjitashtu e paketës Adobe, Office dhe programeve Autocad ( 2D dhe 3D), Rhino (2D dhe 3D), Sketchup dhe V-Ray.
Jakup Reka, lindur në Qershor të 1961 në Berat, ka ndjekur studimet në Shkollën e Mesme Profesionale Mekanike në vitet 1983 – 1988.
Z. Reka fillon punë pranë Ndërmarrjes së Banesave në Berat në vitin 1985 për të vazhduar më pas në vitin 1987 punë në Turizëm Berat deri në vitin 1993. Në Korrik të 2010 punësohet pranë Repartit Ushtarak 1320 si specialist mirëmbajtje deri në vitin 2012 kur fillon punë pranë Agjensisë Kombëtare të Planifikimit të Territorit.
Zotëron patentë të klasit B,C dhe D me afat deri në vitin 2021.
Znj. Klaudia Reçi ka lindur më 26 Dhjetor 1995.
Znj. Reçi ka mbaruar studimet Bachelor për Financë në Fakultetin e Ekonomise, Universiteti i Tiranës. Gjatë 2018-2020 ka kryer studimet Master në Financë, Kontabilitet dhe Auditim në Fakultetin e Ekonomisë, Universiteti i Tiranës.
Znj. Reçi është Specialiste Finance pranë Agjencisë Kombëtare të Planifikimit të Territorit (AKPT).
Gjatë vitit 2019-2020 ka punuar si specialiste finance në kompaninë “Hysa Group Sh.P.K”.
Në 2018-2019 ka punuar si financiere në kompaninë “United Albanian Breweries Sh.P.K”.
Zotëron shumë mirë gjuhën Angleze.
Z. Llakaj ka kryer studimet e “Mesme Profesionale” Dega “Elektronikë” gjate viteve 2012-2016 në shkollën Teknike Elektrike “Gjergj Canco” Tiranë, studimet “Bachelor” dega Inxhinieri Softueri gjatë viteve 2016-2019 ne Institutin Kanadez të Teknologjisë (CIT) në Tiranë si dhe Studimet “Master Shkencor”, dega Teknologji Informacioni dhe Inovacioni në priudhën 2021-2023 në Universitetin Luarasi, ne Tirane. Gjatë këtyre periudhave ka kryer dhe intershipe dhe trajnime te ndryshime në bashkëpunim me “Sipërmarresit e rinj”, “ICT Youth Camp - Innovation Hub” dhe “Local Web – Google Partner”.
Më parë ka punuar si inxhinier softueri pranë Dhomës Kombëtare të Noterisë ku ka dhënë kontributin e tij profesional dhe njohuritë e tij në projektin e ngritjes dhe përmirësimit të vazhdueshëm të sistemit “NISA”.
Z. Llakaj ka punuar dhe në kompanin “TIBO” ku ka dhënë kontributin per konfigurime, testime dhe azhornimin e streameve, serverave, transcoderave, CDN, Softuereve te ndryshem, aplikacioneve etj.
Znj. Myftari ka lindur ne Dhjetor te 2001 ne Tirane.
Ajo ka kryer studimet e larta Bachelor “Marredhenie me Publikun”, Fakulteti i Shkencave Politike Juridike gjate viteve 2020-2023 prane Universitetit Aleksander Mojsiu Durres.
Ne korrik te 2024 ka perfunduar studimet per “Master i Komunikimit Publik” prane Universitetit te UAMD.
Znj. Myftari ne mars te 2024 ka kryer stazhin ne Institucionin Build Green Group.
Ne 2020 ka punuar si Menaxhere ne rrjetin social dhe platformat digjitale.
Gjate vitit 2021 ka punuar Sherbim ndaj klientit dhe furnitor per promovime produktesh, evente per femije dhe te rritur.
Gjithashtu, ne janar te 2023 ka punuar sherbim ndaj klientit ne sektorin e promocionit.
Aktualisht eshte specialiste Arkive ne sektorin e Sherbimeve Mbeshtetese prane Agjencise Kombetare te Planifikimit te Territorit (AKPT).
Zoteron shume mire gjuhen Angleze
Znj. Albrahimi ka lindur më 9 Qershor 1981.
Znj. Albrahimi ka punuar në Union Bank, dega Shallvare gjatë vitit 2012 dhe në Societe Generale Albania, dega Librazhd, në fillim si Kryearkëtare dhe më pas në Shërbim klientele dhe gjatë viteve 2008-2010 si As/Drejtore dege, CRM Retail. Znj. Albrahimi është trajnuar në programin Financa 5, pranë kolegjit Harry Fultz si dhe ka marrë pjesë në shumë seminare trajnimi nga banka për çdo projekt të ri.
Znj. Albrahimi zotëron shumë mirë gjuhën angleze, italiane dhe mesatarisht atë frënge.
Arkitekte & Peizazhiste
Markela Çepani është arkitekte dhe peizazhiste, ku ka studiuar Arkitekturë në Fakultetin e Arkitekturës dhe Urbanistikës në Universitetin Politeknik të Tiranës. Ajo ka përvojë në projektimin e objekteve rezidenciale, dizajnin e interiereve dhe detajimin e peizazhit. Puna e saj ndërthur minimalizmin modern me identitetin mesdhetar, duke u fokusuar në krijimin e hapësirave që lidhin arkitekturën me natyrën. Ka kontribuar në projekte të ndryshme në sektorin publik dhe privat dhe vijon të thellojë njohuritë e saj në fushën e dizajnit arkitektonik, dizajnit të peizazhit dhe dizajnit të qëndrueshëm. Zotëron shumë mirë gjuhën angleze, të folur dhe të shkruar.
Znj. Megi Arapaj, ka lindur më 16 korrik 1994 në qytetin e Vlorës.
Znj. Arapaj është diplomuar në vitin 2016 në degën “Drejtësi” në Fakultetin e Drejtësisë, Universiteti i Tiranës dhe më pas në vitin 2018 ka përfunduar Masterin për “European Business Law” në të njëjtën fakultet. Në vitin 2019 është certifikuar nga Dhoma Kombëtare e Avokatisë me titullin “Avokat”. Gjatë kësaj periudhe, Znj. Arapaj është aktivizuar me organizata të shoqërisë civile dhe rinisë studentore në rolin e koordinatores të projekteve me tematika sociale.
Gjithashtu, ka marrë pjesë në një sërë trajnimesh ndërkombëtare në vendet e Bashkimit Europian, në kuadrin e trajtimit dhe krahasimit të problematikave të sistemit tonë legjislativ dhe të drejtave të njeriut me vendet e tjera pjesëmarrëse.
Nga viti 2018 deri në 2022, Znj. Arapaj ka punuar si konsulente ligjore pranë një zyrë konsulence juridike dhe financiare për shoqëritë tregtare shqiptare dhe të huaja.
Zotëron njohuri në gjuhën Angleze, Italiane, Franceze dhe Ruse.
Petrula Janaqi ka lindur në 8 Qershor 1997 në Korçë.
Ka përfunduar studimet e larta në nivelin “Master Shkencor” në Planifikim dhe Menaxhim Urban në Fakultetin e Planifikimit, Mjedisit dhe Menaxhimit Urban (2015-2020).
Gjatë periudhës së shkollimit ka qënë e punësuar si specialiste e monitorimit të komponentëve të caktuar mjedisorë në projektin “Green Lungs for our Cities”, institucioni Co-Plan “Instituti për Zhvillimin e Habitatit”. Gjithashtu ka qenë e angazhuar në konferenca dhe worshkope të ndryshme si: “Support Staff Tirana ENHR” dhe “TAW (Tirana Architecture Week)”.
Gjatë periudhës Janar 2021-Prill 2021 ka punuar si planifikuese në zyra private projektimi, ku është marrë me hartimin e Rapoteve të Analizës dhe Vlerësimit të Territorit si edhe Planeve të Përgjithshme Vendore. Prej muajit Maj 2021 është pjesë e AKPT në pozicionin e Specialistes pranë Sektorit të Mbështetjes për Hartimin e Dokumentave të Planifikimit - Drejtoria e Planifikimit të Territorit.
Zotëron shumë mirë gjuhën Angleze dhe Franceze.
Stela Alimerko ka lindur në Qershor 1999, në qytetin e Vlorës.
Znj. Alimerko ka kryer studimet e larta Bachelor “Studime Mjedisore”, Fakulteti Planifikim, Mjedis dhe Menaxhim Urban, gjatë viteve 2018 – 2021 pranë Universitetit Polis.
Në Korrik 2023 ka përfunduar studimet për “Master i Shkencave në Menaxhim Mjedisor Urban” pranë Universitetit Polis. Në vitin 2022, ka kontribuar përkohësisht në laboratorin Innovation Factory dhe si asistente pedagoge në lëndën “Toksikologji dhe Ndotje Mjedisore”, ku më pas u shkëput për të ndjekur programin ERASMUS+ për 5 muaj në Itali, në Degën “Tourism and Cultural Heritage Management”, Università degli Studi del Molise, Termoli, Itali.
Pas studimeve universitare, ka punuar si asistente e projektit ARSINOE – pjesë e programit European Green Deal - Horizon 2020, gjatë periudhës Tetor 2023 – Gusht 2024, pranë Agjencisë Kombëtare të Planifikimit të Territorit, si partner i projektit.
Në Shtator 2024, Znj. Alimerko ka filluar marrëdhëniet e punës pranë Agjencisë Kombëtare të Planifikimit të Territorit si specialist në Sektorin e Kërkimit Shkencor, Bashkëpunimeve Ndërkombëtare dhe me Akademinë.
Zotëron shumë mirë gjuhën Angleze dhe mesatarisht atë Italiane.
Znj.Valbona Malaj ka lindur në Tiranë në datë 15.09.1970. Znj.Malaj është punësuar pranë Agjencisë Kombëtare të Planifikimit të Territorit, në pozicionin e Sekretares së Drejtorit të Përgjithshën të AKPT-ës.
Ka mbaruar studimet e larta për Inxhiniere Pasuruese, në Fakultetin e Gjeologji Minierave, Universiteti Poloteknik i Tiranës, në vitet 1985-1994. Në periudhen e viteve 1997-2000, ka punuar pranë ZRPP-ës në qytetin e Tiranës.
Ka njohuri në gjuhen italiane, greke dhe pjesërisht në gjuhen angleze.
Xheki Maksuti ka lindur në 16 Dhjetor 1997 në Elbasan.
Znj.Maksuti ka përfunduar studimet e larta në nivelin “Master I Shkencave” në Planifikim dhe Menaxhim Urban në Universitetin Polis.
Gjatë periudhes së studimit është angazhuar në projekte të ndryshme të universitetit, një ndër to dhe projekti “Akademia 100+ Fshatrat” në Lot 20.Është njohëse e mirë e programeve Adobe dhe G.I.S.
Pas përfundimit të studimeve është angazhuar pranë Bashkisë së Elbasanit.
Znj.Maksuti është njohëse shumë e mirë e gjuhës Angleze.
Xhoana Çaloku ka lindur më 10 dhjetor 2000 në Durrës.
Znj. Çaloku ka përfunduar studimet e larta në nivelin "Master i Shkencave" në Planifikim dhe Menaxhim Urban, në Universitetin Polis, Fakulteti i Planifikimit, Mjedisit dhe Menaxhimit Urban (2019-2024).
Gjatë periudhës së studimit, ajo është angazhuar në workshope të ndryshme të organizuara nga universiteti, ndër to "Resilient Rivers", "Rethinking Cities with Games" dhe "The Geographies of Regional Tourism Durrës-Tiranë". Gjithashtu, ka kryer një internship në Bashkinë Tiranë, në projektin "Fillo me një ide - Fito një internship".
Znj. Çaloku është e pajisur me licencë në fushën e "Vlerësimit të Pasurive të Paluajtshme".
Ajo ka aftësi shumë të mira në përdorimin e programeve Microsoft Office, AutoCAD, ArcGIS/QGIS dhe SketchUp.
Zotëron shumë mirë gjuhën angleze në nivelin B2 dhe gjuhën italiane gjithashtu në nivelin B2.
Znj. Tarko ka përfunduar studimet Bachelor në degën Gjeografi pranë Universitetit të Tiranës, Fakulteti i Historisë dhe Filologjisë gjatë viteve 2016-2019 dhe më pas studimet Master Profesional në GIS i Aplikuar gjatë viteve 2019-2021 në të njëjtin institucion. Gjatë periudhës së punës në AKPT, ajo ka realizuar studimet Master Shkencor në Menaxhim Mjedisor Urban pranë Universitetit POLIS, duke thelluar njohuritë e saj në fushën e planifikimit të qëndrueshëm urban dhe menaxhimit mjedisor.
Gjatë periudhës së studimeve ajo ka kryer disa internshipe pranë Institutit të Gjeoshkencave, Institutit të Statistikave, Lorenco&Co.Sh.p.k. dhe ALB-MATRIX Group Sh.p.k. Më parë ka punuar si Specialiste GIS pranë Institutit të Statistikave, Sektori i GIS dhe Hartografisë gjatë periudhës Qershor 2021 - Mars 2022, dhe ka eksperienca në sektorin privat si Specialiste GIS, Hartografe dhe Projektim. Që nga Qershori 2023 është e punësuar si Specialiste GIS pranë AKPT.
Në periudha të ndryshme është trajnuar dhe çertifikuar nga "Qëndra Nikollari" në lidhje me programet ArcGIS dhe AutoCAD, si dhe është kualifikuar nga Geotrim.shpk mbi përdorimin e pajisjeve "Trimble Total Station" dhe "GPS-GNSS". Ajo është njohëse e programeve ArcGIS, ArcGIS Online, AutoCAD dhe QGIS.