Plani i Detajuar Qendror “Durana Tech Park” është një dokument planifikimi që synon të udhëheqë zhvillimin e zonës së përzgjedhur (ish-antenat e Radiotelevizionit Shqipëtar, Shijak), duke ndërtuar një themel të qartë për zhvillimin urban dhe ekonomik të qendrueshëm të saj.

“Durana Tech Park” ka për qëllim të adresojë sfidat kryesore në rajonin Tirana-Durrës dhe të shfrytëzojë forcën e tij për të promovuar zhvillimin territorial të qëndrueshëm dhe integrimin në ekonominë evropiane. Parku teknologjik do të udhëheqë zgjidhje novatore në fushën e teknologjisë, do të zhvillojë infrastrukturë digjitale moderne dhe do të mbështesë teknologjitë e gjelbra për të përmirësuar kujdesin për mjedisin.

“Durana Tech Park” do të jetë një projekt transformues për rajonin Tirana-Durrës, duke u përqëndruar në qëllimet strategjike për të përmirësuar ndikimin rajonal në Ballkan dhe Mesdhe. Ai synon të tërheqë biznese ndërkombëtare dhe të inkurajojë inovacionin, duke forcuar rrjetet ekonomike dhe bashkëpunimin mes sektorëve të ndryshëm. Gjithashtu, do të përqëndrohet në ruajtjen e tokave bujqësore dhe promovimin e përgjegjësisë mjedisore përmes teknologjive të gjelbra dhe mbrojtjes së trashëgimisë kulturore.

Përmes këtyre nismave, “Durana Tech Park” do të ndihmojë në realizimin e vizionit për zonën Tiranë-Durrës, duke u bërë një qendër dinamike ekonomike që i shërben aspiratave të rajonit për përparim dhe zhvillim.