Pas dy takimeve rutinë për ndjekjen e ecurisë së projektit ARSINOE në nivel kombëtar dhe ndërkombëtar, më 22 maj 2023 hapet Thirrja e parë për Inovacione. Synimi i rastit studimor për rajonin e liqeneve të Ohrit dhe Prespës është të rrisë qëndrueshmërinë klimatike në të gjithë sektorët mjedisorë, ekonomikë dhe socialë të lidhur me përdorimin e ujit.

Nëpërmjet projektit ARSINOE, kjo thirrje do të jetë pikënisja për zbatimin e një grupi gjithëpërfshirës të zgjidhjeve novatore të planifikimit, për të siguruar shpërndarjen e drejtë dhe përdorimin e qëndrueshëm të burimeve ujore. Në terma afatgjatë, studimi synon të monitorojë dhe përmirësojë qëndrueshmërinë klimatike në të gjithë zinxhirin e furnizimit dhe përdorimit të ujit, për të gjithë rajonin e përbashkët të tre vendeve, duke theksuar po ashtu rëndësinë e shpërndarjes së informacionit, të përfshirjes së komunitetit dhe inovacioneve teknologjike të përshtatura në bashkëpunim me palët e interesuara lokale për të adresuar në mënyrë efektive sfidat klimatike.

Për këtë arsye, në vijim të njoftimit, projekti mundëson dy seanca informuese online, si dhe fton të gjithë bashkëpunëtorët për të plotësuar pyetësorin e aplikimit për inovacionin.

Të nderuar Bashkëpunëtorë,

Projekti ARSINOE “Rajone me aftësi ripërtëritëse ndaj kushteve klimatike përmes zgjidhjeve sistemike dhe inovacioneve” i financuar nga Komisioni Evropian, pjesë e programit “HORIZON2020-GREEN DEAL” ku Agjencia Kombëtare e Planifikimit të Territorit është partnere, shpall të hapur Tenderin e Dytë për Inovacione.

Keni ide të reja? Kërkimi juaj shkencor dhe propozimi lidhen me ndikimet e nxehtësisë ekstreme, stresit dhe ndotjes së ujit dhe/ose të përmbytjeve në sistemet sociale, ekonomike dhe mjedisore? Nëse po, Ju ftojmë të bëheni pjesë e THIRRJES SË DYTË PËR INOVACIONE.

Qëllimi ynë është nxitja e zgjidhjeve inovative dhe qëndrueshmërisë në rajon, me qasje metodologjike në aspektin teknik dhe social. Me në fokus rastin studimor ndërkufitar të liqeneve të Ohrit dhe Prespës, këto qasje të reja duhet t’i dedikohen mungesës së ujit dhe ndikimit të ndryshimeve klimatike në sektorë të ndryshëm.

Aplikantët inkurajohen të paraqesin propozime të mirëpërcaktuara që demonstrojnë potencial për rezultate me ndikim. Propozimi duhet të marrë në konsideratë: a) problemin e evidentuar dhe vizionin e rastit studimor, b) kohezionin e gjithë demarkacionit të liqeneve të Ohrit dhe Prespës, c) kombinimin në mënyrën e duhur të aspektit teknologjik dhe social, d)përfshirjen dhe angazhimin e aktorëve kombëtarë dhe ndërkombëtarë.

APLIKIMET MBYLLEN MË 08.01.2024.

Të gjitha informacionet e nevojshme, si: guida për përgatitjen e aplikantëve, hapat e aplikimit apo sesionet informuese, janë të paraqitura në platformën:

https://arsinoe-project.eu/open-calls-2/

Duke synuar ndryshime pozitive në rajon, tenderi i dytë i hapur përfaqëson një mundësi emocionuese për inovatorët që të kontribuojnë për një të ardhme më të qëndrueshme dhe elastike. Së bashku, ne mund të bëjmë një ndryshim.

Të nderuar Bashkëpunëtorë,

Në kuadër të thirrjes për inovacione, Ju bëjmë me dije se afati i aplikimit për projektin ARSINOE “Rajone me aftësi ripërtëritëse ndaj kushteve klimatike përmes zgjidhjeve sistemike dhe inovacioneve” i financuar nga Komisioni Evropian, pjesë e programit “HORIZON2020-GREEN DEAL” është shtyrë deri më datë:

15 JANAR 2024

Shpresojmë për të gjithë inovatorët të cilët nuk patën mundësi të aplikonin në afatin e mëparshëm, të munden të aplikojnë në këtë afat të ri.

15 Janar 2024 deri në orën 12:00

Jepini një mundësi inovacionit dhe idesë suaj të jetë pjesë e këtij aplikimi.

Përpara përgatitjes së aplikimit të inovacionit, të gjithë aplikantët janë të lutur të lexojnë fillimisht guidën:

link: https://drive.google.com/drive/folders/1natE6V6HFLG0NrUUU3YhNc_aiCYmIhoH

Për çdo pyetje apo paqartësi, në vijim do të gjeni faqen e internetit të projektit ARSINOE me informacionet e detajuara për aplikimin dhe linkun e seancës informuese të mbajtur më datë 5 janar 2024.

link: https://arsinoe-project.eu/open-calls-2